ആ സുന്ദരമുഹൂർത്തം

ഹേമവതി പ്രിയ ഹേമവതി നിത്യം  

സായംകാലമാ  സുന്ദരമുഹൂർത്തം 

നാലുമണിക്കല്ലെ  നാലുമണിക്കല്ലെ.

നാട്ടിൽ പൊൻപുടവ ഉടുത്തൊരുങ്ങി ,

നെറുകയിൽ  സിന്ദൂര൦ ചാർത്തിച്ചിമ്മി  

തേൻകിനിയും പുഞ്ചിരിതൂകിയാടുമ്പോൾ     

നിന്നോട് കുശല൦ പറയാതെ  പോകുവാൻ  

കഴിയുമോ  ഈ ആരാധകന് ..

മുറ്റത്തു മൊട്ടിട്ട റോസാപ്പൂവിന്റെ ചുണ്ടത്ത് തേൻ മുത്തുകൾ കണ്ടപ്പോൾ ഒപ്പിയെടുത്തു ഞാൻ. അതുകണ്ടപ്പോൾ തൊട്ടാ കനക തുമ്പിക്കു മിണ്ടാട്ടം ഇല്ലാതായി...എന്നോട്‌ മിണ്ടാട്ടം ഇല്ലാതായി... Vblueinkpot

സ്ത്രീധനം

 ആണിനേക്കാളും പെണ്ണിൻറെ

തണ്ടെല്ലിനു പ്രകൃതി ശക്‌തി

നൽകി....തന്റേടം നൽകി .

സമൂഹമോ പെണ്ണിൻറെ

കശേരുക്കൾ ഒടിക്കുവാൻ

അണിയിച്ചു നൂറുകണക്കിന്

പൊന്നും പണ്ടം നൽകി

ഒരു സ്വർണ്ണ ശില്പമാക്കി .

ജീവിതം തുലാസിലാടി

മാറ്റിയെടുക്കുവാൻ കമ്പോളത്തിൽ

കനകശില്പങ്ങൾ വന്ന്‌കൂടി

മനസ്സിന് കെൽപ്പിലാത്തവൾ

ഒരു പെൺകുഞ്ഞിനെ കൊന്ന്

സ്ത്രീജന്മ൦ ശപിച്ചു സ്ത്രീധനം

ഓർത്തു നീറി തൂങ്ങിയാടി.

മഴവില്ല്

  മഴവില്ല് 

മഴവില്ലൊരു മാന്ത്രിക ദണ്ഡ് 

പൂക്കളോ അതുകണ്ട് 

വർണ്ണ ചിരിതൂകി നിന്നു.

മഴവില്ലൊരു മാന്ത്രിക ദണ്ഡ് 

അതിനു അവകാശികൾ 

പല മാന്ത്രികന്മാരുണ്ട് . 

അതിതല്പരരായി അതിൻ 

രണ്ടുവശത്തും പിടിച്ചു 

വളച്ചു രണ്ടുപേരുണ്ട് 

ആകാശവും ഭൂമിയും 

ആ രണ്ട് പ്രിയമാന്ത്രികർ. 

അതുകണ്ട് അകലെ 

മഴ മേഘങ്ങൾക്കുള്ളിൽ 

തപ്ത്‌നിശ്വാസത്തിൽ 

സൂര്യനും നോക്കിനിന്നു.

പൂക്കളോ അതുകണ്ട് 

വർണ്ണ ചിരിതൂകി നിന്നു