ആരാമോൻ?

 ആരാമോൻ? 

അവൻ ബെൻസിൽ കറങ്ങട്ടെ

അവൻ കൊടി ഉയർത്തട്ടെ 

അവൻ കപ്പലിൽ കറങ്ങട്ടെ

അവൻ ആടി തിമിർക്കട്ടെ 

അവൻ ആള് ആരാമോൻ?

ഒരു സാധാരണക്കാരൻറെ 

മകൻ അല്ലല്ലോ ....? അങ്ങ് 

അറേബിയയിലെ നിയമവുമല്ലലോ 

അപ്പോൾ  ജാമ്യം കിട്ടുമെന്നേ .

സ്ഫോടനം

  സ്ഫോടനം 

മേഘജാലങ്ങളും ഉത്തുംഗമലകളും

തീർക്കുന്നു മനുജാ സ്ഫോടനം.

അതിഭീകര സ്ഫോടനം 

മേഘവിസ്‌ഫോടനം.

മദിച്ചൊഴുകിയ പുഴകളോ 

കുത്തിമറിക്കുന്നു പാലങ്ങൾ 

അപഹരിക്കുന്നു ഒരായുസ്സിൽ 

പണിതീർത്ത  ഭവനങ്ങൾ .

വാക്കുകൾ കൊണ്ടും 

ആയുദ്ധക്കോപ്പുകൾ കൊണ്ടും 

മതമതിലുകൾ തീർത്ത 

തേർവാഴ്ചകൾ ,ഒരു കമ്പനം 

കൊണ്ട് ഇല്ലാതാകുന്ന കാഴ്ചകൾ 

അവശേഷിപ്പിക്കുന്നു രോദനങ്ങൾ 

വിശ്വപ്രകൃതിതൻ ഉപജാപവൃന്ദങ്ങൾ 

തീർക്കുന്ന പ്രതികാര സ്ഫോടനങ്ങൾ.

പടിയിറങ്ങുന്ന സൂര്യനെകണ്ടൂ

 തടപടാ കുടു കുടു 

താളത്തിൽ  പാളത്തിലൂടെ 

കൂവിപ്പായുന്ന തീവണ്ടി .

തൻ  ജാലകത്തിലൂടെ 

മിഴികൾക്ക് നിറമുള്ള 

കാഴ്ച്ചകൾ കണ്ടൂ , 

മദിച്ചൊഴുകുന്ന പുഴകൾ  

ചെറുദീപങ്ങൾ തെളിയുന്ന 

കോവിലുകൾ കണ്ടൂ.

കേരമലനിരകൾ കണ്ടൂ.

സായാഹ്നത്തിൽ 

പ്രിയതമക്കൊരു 

പാതിവെളിച്ചമേകി 

പാതിയിരുട്ടേകി 

ഉരുകി  പടിഞ്ഞാറോട്ടു 

പടിയിറങ്ങുന്ന സൂര്യനെകണ്ടൂ