സ്ഫോടനം
മേഘജാലങ്ങളും ഉത്തുംഗമലകളും
തീർക്കുന്നു മനുജാ സ്ഫോടനം.
അതിഭീകര സ്ഫോടനം
മേഘവിസ്‌ഫോടനം.
മദിച്ചൊഴുകിയ പുഴകളോ
കുത്തിമറിക്കുന്നു പാലങ്ങൾ
അപഹരിക്കുന്നു ഒരായുസ്സിൽ
പണിതീർത്ത ഭവനങ്ങൾ .
വാക്കുകൾ കൊണ്ടും
ആയുദ്ധക്കോപ്പുകൾ കൊണ്ടും
മതമതിലുകൾ തീർത്ത
തേർവാഴ്ചകൾ ,ഒരു കമ്പനം
കൊണ്ട് ഇല്ലാതാകുന്ന കാഴ്ചകൾ
അവശേഷിപ്പിക്കുന്നു രോദനങ്ങൾ
വിശ്വപ്രകൃതിതൻ ഉപജാപവൃന്ദങ്ങൾ
തീർക്കുന്ന പ്രതികാര സ്ഫോടനങ്ങൾ.
No comments:
Post a Comment