ഓല കൂട്
കൈത്തോടിൻ അരികത്ത്
തെക്കേത്ത് ഒരു തെങ്ങുണ്ട്
ആ ഒറ്റ കൊന്ന തെങ്ങിൽ
തുഞ്ചത്ത് ഒരു കൂടുണ്ട്.
മഞ്ഞളിൻ നിറമുള്ള
കുരുത്തോല ആടുമ്പോൾ
പൂക്കുലകൾ കയ്യിലെടുത്തു
അണ്ണാർക്കണ്ണൻ തുള്ളുന്നെ.
കിളികള്തന് കച്ചേരി
കാറ്റേകുമിലത്താളo
കുഞ്ഞിക്കിളി കൂടിനു
തെക്കോട്ടാ ചാഞ്ചാട്ടം.
തന്നനേ താനന്നേ തന്നനേ താനന്നേ
തന്നനേ താനന്നേ താന്നെ താനോ .(2 )
തെക്കോട്ടും വടക്കോട്ടും
തെങ്ങാകെ അനങ്ങുമ്പോൾ
അമ്മക്കിളി ആ കൂട്ടിൽ
പുലമ്പാറുണ്ടെ ...
കാലം തെറ്റിമഴപെയ്യും
കടലാകെ തിരയുണ്ടെ
കുഞ്ഞിക്കിളി നനയാവിധം
ഓലക്കീറുമെടയേണം
മിഴിയടക്കാതെ
മഴയൊലിക്കാതെ പവിഴകൂടുകാക്കണം.
തന്നനേ താനന്നേ തന്നനേ താനന്നേ
തന്നനേ താനന്നേ താന്നെ താനോ .(2 )
വാനം മേലെ മുടിവെടുത്തു
കതിരോനെ കാണാന്നില്ലെ.
ഇടിമിന്നൽ പറന്നടുത്തു
തെങ്ങിലാകെ തീ പടർന്നു .
കാള മേഘ പടയോട്ടത്തിൽ
കൊന്നതെങ്ങിൽ തീ പടർന്നു
കുഞ്ഞിക്കിളി കൂടുകരിഞ്ഞു
അമ്മക്കിളി കരഞ്ഞു പാറി
കരഞ്ഞു കരഞ്ഞു അമ്മക്കിളിയാ
കണ്ണീർമഴയിൽ മറഞ്ഞു
തന്നനേ താനന്നേ തന്നനേ താനന്നേ
തന്നനേ താനന്നേ താന്നെ താനോ .(2 )
vblueinkpot.blogspot.com
https://youtu.be/SoTtQyex3OI?feature=shared
