പ്രണയപ്രകൃതി🌷
പ്രണയം പരക്കെ പകരുമാ
പ്രകൃതിയെ നോക്കി ഹഹാ
കാമുകനായി ഞാനിരുന്നു.
പച്ചപന്തലിട്ടപ്പൂമരങ്ങളാട്ടി
കിളിപ്പാട്ടുമായി ഉല്ലസിച്ചു
എന്നെ ചുറ്റിപ്പിടിക്കുവാൻ
കോടക്കാറ്റുവന്നൂ.
ആകാശക്കോട്ടയിൽ ദ്രുതദുന്ദുഭിമേളം
തീർത്തു കുളിർമുത്തുകൾ കുടഞ്ഞു
കരിമേഘ തിരുമേനിമാർ നിരന്നു.
മയിലാടും കുന്നിലെ കല്ലുകളിൽ
ചാടിക്കളിച്ചു കാട്ടുവള്ളികളിലൂർ
ന്നിറങ്ങി കാട്ടരുവിപ്പെണ്ണ് കിന്നരിച്ചു
തൂമെയ്യാൽ തഴുകിനിന്നു .
ഉള്ളംനിറച്ചുപ്രകൃതിപകരുമീ
പ്രണയലഹരിയിൽ കണ്ണെടുക്കാതെ
ഞാൻ കല്പടവിൽതന്നെയിരുന്നു.
@vblueinkpot
No comments:
Post a Comment