കന്യകയാം ഒരു കാട്

കന്യകയാം ഒരു കാട്
കളകളം പാടുന്ന
കിളികൾ നിറയും
ഹൃദയക്കൂട്
സൂര്യപ്രഭയുള്ള കണ്ണുകൾ
ചിമ്മി ചിമ്മി തുറന്നു
മലപോലുയർന്ന മാറിടവും
പച്ചില ചേലയാട്ടി ശ്വാസം
എടുത്തു ആ മലച്ചി..
ചന്ദന കാറ്റിൽ കൈകൾ വീശി
പുഞ്ചിരിപ്പൂക്കൾ വിടർത്തി
പുഴയാ൦ പാദസരങ്ങൾ
കിലുക്കി നടന്നു ഇന്നലെ
ഈ വഴി ഒരു
കന്യകയാം കാട്
അവളെ ഇന്നാരോ
മഴുവിനാൽ പിച്ചിചീന്തി
നഗ്നയാക്കി കിടത്തി
ചിത്രകാരൻ വിഷാദമോടെ
വരച്ച അവളുടെ മുഖത്താകെ
കുമിളകൾ തീർത്ത
കാട്ടുതീ ...
വിനോദ് കുമാർ വി