ആരാച്ചാർക്ക് ആശംസ

ആരാച്ചാർക്ക് ആശംസ
ഒരമ്മതൻ കലങ്ങിയ
കണ്ണുകൾ തെളിയുന്നിതാ
നീതിക്കായി ദശാബ്‍ദത്തോളം
പടവുകൾ കയറി
തളർന്ന കൈകാലുകൾ
നിവരുന്നിതാ
ആരാച്ചാർക്ക് ആശംസ
ഒരമ്മതൻ ആയിരം ആശംസ.

അസുരവിത്തുകൾ
വീണ്ടും  തഥാവിധം
തനൂജ തൻ തനുവിൽ
മനതാരിൽ ഭയമേകി
പടർന്നുകേറുന്നു...നീതിക്കായി 
കെഞ്ചുമൊരുമ്മയെ  അടിച്ചുകൊല്ലുന്നു.
ഈ ഭൂവിൽ അപമാന ജ്വരമേറുന്നു
വലിച്ചെറിയു അവർ
തൻ കഴുത്തിലേക്ക്
ചക്ഷു ശ്രവണമാ൦ കയറുകൾ
ചുറ്റിമുറുകട്ടെ..ഉണ്ടകണ്ണുകൾ
തള്ളട്ടെ കഴുമരത്തിൽ
കിടന്നുപിടയട്ടെ വിരൂപികൾ
ആരാച്ചാർക്ക് ആശംസ
ഒരമ്മതൻ ആയിരം ആശംസ.

ഇരക്കായി മെഴുകുതിരികൾ
ഇരക്കുക ഇനി വേണ്ട
അനുശോചനകൾ വേണ്ട
വേണം നിർഭയക്കായി
ശത്രുസംഹാരം പൂജകൾ
തൊട്ടുകൊടുക്കാം സിന്ദൂരക്കുറി
കൈയിൽ വെച്ചുകൊടുക്കാ൦
തൂക്കുകയറുകൾ .....ഉണ്ടിവിടെ
ആണൊരുത്തൻ ആരാച്ചാർ
ആ ആരാച്ചാർക്ക്
ഹൃദയത്തിൽ നിന്നും
ഒരായിരം ആശംസകൾ.