നീ ആ ഗാന്ധാരി

നീ ആ ഗാന്ധാരി
സുന്ദരി  നീ ആ ഗാന്ധാരി

 സഹധർമചാരി
ധൃതരാഷ്ട്രർക്കായി  തമസിൽ 
ജീവിത പ്രയാണം തുടങ്ങിയവൾ
നീ ആ ഗാന്ധാരി. 

ഗർഭ പാത്രത്തിൽ വളർന്ന
മാംസ പിണ്ഡത്തിൽ
നിൻ ഹൃദയം പകർന്നു
മണ്ണ് ഭരണികളിൽ നിറച്ചു 
101 മക്കൾ തൻ അമ്മ 
നീ ആ ഗാന്ധാരി.

കൗരവവംശം രണഭൂവിൽ
നിർജീവമായി കിടക്കുമ്പോൾ
മരവിച്ച മനസുമായി
കൺകൾ തുറന്ന് 

അവതാരങ്ങളെ
ചുടുകണ്ണീരിൽ ദഹിപ്പിച്ചു 
നീ ആ ഗാന്ധാരി.

മഹാഭാരതത്തിൽ

രാജയമുണ്ടേലും റാണിയല്ലാത്തവൾ
കണ്ണുഉണ്ടേലും കാഴ്ച ഇല്ലാത്തവൾ
അന്ത്യകർമ്മത്തിനു മക്കൾ ഇല്ലാത്തവൾ
അല്ലയോ മാതാവേ,
  ജഗദീശൻ പറഞ്ഞാൽപോലും
ഇനി ആ  കണ്ണുകൾ മൂടികെട്ടരുതേ ..
നിൻ പ്രയാണം ബാക്കിയാണ്  
ആ ഒറ്റ മകൾക്കായി കണ്ണുകൾ തുറക്കൂ
നീ ആ ഗാന്ധാരി..