# നിറം
നിറമുണ്ട് എനിക്ക് നിറമുണ്ട്
എൻറെ ഹൃദയത്തിനു ചുവന്ന
റോസാപ്പൂവിൻ നിറമുണ്ട്
ഓരോ ശ്വാസക്കാറ്റിൽ ആടുന്നുണ്ട്
ഇതളുകൾ മന്ത്രിക്കുന്നുമുണ്ട്
കൂർത്തമുള്ളുകൾ ഏറെയുണ്ട്
നിറമുണ്ട് എനിക്ക് നിറമുണ്ട്
നിറമുണ്ട് എനിക്ക് നിറമുണ്ട്
എൻറെ തലമണ്ടക്കും നിറമുണ്ട്
വെട്ടിത്തിളങ്ങുന്നുണ്ട്‌ ചിന്തകൾ
തീർത്ത സപ്‌തവർണങ്ങളുണ്ട്
പൊള്ളും സൂര്യൻറെ നിറമുണ്ട്
ഉരുകി മരുഭൂമി തീർക്കുന്നുണ്ട്
നിറമുണ്ട് എനിക്ക് നിറമുണ്ട്
മിഴിയിണകൾക്കു നിറമുണ്ട്
രാത്രി തൻ താരാപഥമുണ്ട്
ശരത്കാലചന്ദ്രന്റെ വെളിച്ചമുണ്ട്
വിനിദ്രാ രാവുകളിൽ ഒലിച്ചിറങ്ങുന്ന
കണ്ണീരുമൊത്തിരി മിന്നുന്നുണ്ട്
നിറമുണ്ട് എനിക്ക് നിറമുണ്ട്
നിറമുണ്ട് എനിക്ക് നിറമുണ്ട്
എൻറെ ഞരമ്പുകൾക്കു
നിറമുണ്ട് ഈ ഭൂമിതൻ
നീലിച്ച നിറമുണ്ട് ,സ്‌നഹപ്പുഴ
വറ്റുമ്പോൾ നിറമുണ്ടാകുമോ
ജീർണിച്ചതുമാത്രം തളംകെട്ടുമോ
അത് നിറക്കൂട്ടിൽ തിരയുന്നുണ്ട്
നിറമുണ്ട് എനിക്ക് നിറമുണ്ട്
No comments:
Post a Comment