കവിടികൾ

കണിയാത്തി 

കടലൊരു കണിയാത്തി 

കരയുടെ കഥനങ്ങൾ കേട്ട് 

പാലഴകുള്ള  കവിടികൾ  

നിരത്തുന്നു 

കൈകളിൽ കറക്കി കിലുക്കി   

കലികാലദോഷങ്ങൾ മാറ്റുവാൻ 

പരിഹാരം പറയാം തുടങ്ങുന്നു.

കാർമേഘങ്ങൾ നിറയുന്നു 

സൂര്യനും ചന്ദ്രനും മായുന്നു  

മിന്നൽക്കനലുകൾ ചിതറുന്നു 

ആരൂഡം മാഞ്ഞു  പരിഹാരമില്ല...

തീരത്തു കവടികൾ  കമന്നുകിടന്നു

തേങ്ങുന്നു ഹൃദയമുത്തുകൾ 

നഷ്ടപ്പെട്ട കവടികൾ   ഇന്ന് 

കണിയാത്തിക്ക്  വേണ്ടാതെകിടക്കുന്നു .