കുട്ടൻറെ പല്ലുകൾ

കുട്ടൻറെ പല്ലുകൾ

കുട്ടനെ കാണാൻ കറുപാണ്
ആ കറുപ്പിന് ഏഴയകാണ്.
L P സ്കൂളിൽ പഠിക്കയാണ്.
മിഠായി തിന്നാലും
തീരാ കൊതിയനാണ്.
പാൽ പല്ലുകൾ കാട്ടിചിരിയതുണ്ട്.
മുന്നിലെ ഉളിപല്ലുകൾ
കണ്ടാലോ ആന പല്ലുകൾ.
തേങ്ങാകാന്തിതിന്നുമ്പോൾ
മിഠായികടിച്ചുപൊട്ടിക്കുമ്പോൾ
വേദനിക്കില്ല ആന പല്ലുകൾ.
കൂട്ടുകാർ ച്ചൊലും
പുഴുപല്ലൻ എന്നും .

വീട്ടിലെത്തി കരഞ്ഞു
അമ്മയോട് ചൊല്ലുമ്പോൾ
ഉമിക്കരിയും ഉപ്പും
പൊടിച്ചുനൽകും
 മാവിലതൊട്ട്
നടന്നു തേപതാണ്
ഇത്തിരിപല്ലുകൾ
വെളുത്തുകണ്ടാൽ
വീണ്ടും മഞ്ഞനാരങ്ങാ
മിട്ടായി കടിച്ചുതിന്നുo 
തേനൂറും ചുണ്ടു കാട്ടി
ചിരിപ്പതാണ്.

നെറുകയിൽ അമ്മ മുത്തമിട്ടു,
തൊട്ടു തലോടി മടിയിൽ ഇരുത്തി
കാർവർണ്ണന്റെ കഥകൾ
 ഓരോന്നും പറഞ്ഞുകൊണ്ട്
"ആന പല്ല് പോ കീരിപ്പല്ലുവാ "
തഞ്ചത്തിൽ കുലുക്കി കുലുക്കി
പുഴുപല്ല്  പിഴുതെടുത്തു
മാനം കാണാതെ  പൊതിഞ്ഞു
കൈതകാട്ടിലിട്ടു.

ഇനി മിട്ടായി തിന്നുമോ
കുട്ടാ ,അരായും  അമ്മയോട്,
കടക്കണ്ണിനാൽ ചേഷ്‌ടകൾ
കാട്ടും ആ  പൈതൽ ..
കൺപീലികൾ ചിമ്മും
ചില്ലിപുരികങ്ങൾ ഉയർത്തും
പല്ലില്ലാ  മോണകാട്ടി
ഏങ്ങികരച്ചിലാണ് ..

ഇഷ്ടമാണോമലേ...
കുട്ടൻറെ കണ്ണീരൊപ്പി
ഒക്കത്ത്  ഇരുത്തി അമ്മ ,
നിറമുള്ള നാരങ്ങാ
മിഠായിവാങ്ങുവാൻ
കൊണ്ടുപോകയാണ്..
അപ്പോൾ കാണാം കുട്ടിത്തo
നിറയും മുല്ലമൊട്ടുകൾ
"പാൽപല്ലുകൾ"
ആ കറുപ്പിന് ഏഴയകാണ്.