രമണാ തിരിച്ചുവരണം

രമണാ തിരിച്ചുവരണം
രമണാ ഓർത്തുപോകുന്നു
നിൻ പ്രണയം ,
പ്രണയതിൻ ചന്ദ്രികയിൽ
കാനന വഴികളിൽ ഹൃദയം തേങ്ങിപാടി
നടന്നൊരാ രമണന്ന്‌ പ്രണയം
സുഖവും ദുഖവുമായിരുന്നു.
പൂമെത്തവിരിക്കണം കൊറ്റക്കുടചൂടണം
കാല്പാദങ്ങളിൽ തലോടി ശുശ്രൂഷിക്കണം
കല്ലും മുള്ളും ചെന്നായ്ക്കൾ
നിറയുന്ന കാട്ടുവഴികളിൽ
പെണ്ണെ നിന്നെ കൊണ്ടുപോകാതെ
നിന്നെ നോവിക്കാതെ
നിന്നെ സ്വപ്നം കാണുന്ന
രമണാ തിരിച്ചുവരണം

ചോരചിന്തുന്നു തെരുവുകൾ ഇന്ന്
കാമ ജ്വരംപിടിച്ച മസ്തിഷകങ്ങൾ
ഭാവനകളില്ലാതെ സ്വപ്നങ്ങൾ അറിയാതെ
ഇവിടെ പ്രണയം ചുട്ടുകരിക്കുന്നു .
ആരാമങ്ങളിൽ ശവപുഷ്പങ്ങൾ വിരിയുന്നു.
ഹേയ് രമണാ, നിൻറെ ദിവ്യപ്രണയം
നിൻറെ വിരഹം, നിൻറെ ശാന്തഭാവം
ഓർത്തുപോകുന്നു ..."ജീവിതമൂല്യങ്ങൾ"
തിരിച്ചുവരണം ആ പ്രണയം .
വിനോദ് കുമാർ വി