പുളിച്ചി
കതിരവൻ തൊട്ടപ്പോൾ
കുലുങ്ങിചിരിച്ചവൾ, കാറ്റിൽ
കുഞ്ഞിലകൾ വിരിച്ചവൾ , കുളക്കടവിൽ
ചാഞ്ഞു നിന്ന പുളിച്ചിപെണ്ണവൾ
അവളെ കണ്ടു കൊതിച്ചു
ഞാൻ ചിറികൾ കടിച്ചു.
നാവിൽനിന്നുമൂറും ഉമിനീരിൽ
ഇന്ദ്രജാല൦ തീർത്തു എന്നേ
അഭികാമ്യയനുരാഗത്തിൽ
പുളിച്ചി, നീ ലയിപ്പിച്ചു.
അതുകണ്ടാവും കിളികൾ
ചിലച്ചു ,കാറ്റിൽ ഇളകിയാടിയവൾ
കൈകൊട്ടിവിളിച്ചു മധുരപുളിച്ചി
പുളിപ്പുള്ള പഴങ്ങൾ തന്നു
ചുറ്റിക്കറങ്ങി അതും ഊറിത്തിന്നു
കുരുക്കൾ അമ്മാനമാട്ടി കളിച്ചു
ആ തണലിൽ ഒത്തിരി നേരമിരുന്നു.
No comments:
Post a Comment