ആ പണി ആയുധങ്ങളാ
കർഷകൻറെ കയ്യിൽ ഇരുന്നതൊക്കെ
ആ പണിയായുധങ്ങളാ ,ഉഴുതുമറിച്ചു
നിലമൊരുക്കി മാറ്റിവെച്ചത് തുരുമ്പ്
തുടച്ചുവെച്ച ഇരുമ്പിൻറെകലപ്പകളാ..
കൊയ്തെടുക്കുവാൻ രാകിവെച്ച
കൂർത്തുവളഞ്ഞ അരിവാളുകളാ ..
തച്ചുടച്ചു പാറക്കല്ലിൽ വെട്ടിമണ്ണു
തീർത്തു ചളുങ്ങിയ മൺവെട്ടികളാ
തെക്കുവടക്കു ഭാരതഭൂമിക്കു
ആധാരം കൃഷിഭൂമികളാ..
അവിടെ വട്ടംചുറ്റി പിടിച്ചു
മതംപൊട്ടിയ കൊമ്പനാനകളാ
ആ മണ്ണ് തേറ്റപ്പലാൽ കുത്തി
ഇളക്കാൻ വന്നത് കാട്ടുപന്നികളാ
വളക്കൂറുള്ള മണ്ണിൽ നാറും
ചാണകപിണ്ഡത്തിൽ നുരക്കുന്നേ
വെളുത്തവീർത്ത കുണ്ടളപ്പുഴുക്കളാ
പുകയും പോർവിളിയും നിറയും
രാപ്പകലുകൾ രക്തമൂറ്റി ചുറ്റിക്കറങ്ങി ..
ഉപദ്രവകാരികൾ കുന്നുകൂടുമ്പോൾ
ആ അരിവാളുമുനകൊണ്ട്
ഒരു കൊത്തു കൊടുക്കരുതോ ...
മദയാനയും ഓടും പന്നിയും ഓടും
ചാണകപ്പുഴുക്കളും പിടഞ്ഞോടും.
No comments:
Post a Comment