പുഴയെ കൊതിച്ചുപോയി
കുണുങ്ങി കിണുങ്ങി പോകുമാ
പുഴയ്ക്കായി ഒന്നിച്ചു ചെറുപൂക്കൾ
തുന്നി ചേലുള്ള ചെമ്പട്ടുകൊടുത്തോ?
എന്തിനു നിനക്കിന്നി
വമ്പരാം താമരച്ചെണ്ടുകൾ?.
നീലമേഘങ്ങൾ കണ്ണാടിപോലെ
മിന്നും നദീമുഖത്തു നീലപ്പൊട്ട്
നോവാതെ കുത്തികൊടുത്തോ.?
നിര നിരയായി കരയിൽ
നിൽക്കു൦ നാളികേരങ്ങൾ
കുടപിടിച്ചു വിശറിയുമായി നിന്നോ?
കുസുമിതയാം അവൾ നെൽപ്പുര
കാണാൻ തനിച്ചിറങ്ങുമ്പോൾ
വഷളത്തരം കാട്ടി പാലത്തിൻ
മേലെ പതിവായി ഇല്ലിമുളം
തണ്ടുകൾ ചൂളംവിളിച്ചോ?
ഇലപ്പടർപ്പിൽ നിന്നുമെടുത്തു
ചാടി കുളിച്ചുകേറി പൊന്മാൻ
അവളോടൊപ്പ൦ രമിച്ചു ഗമിച്ചു .
കണ്ടപ്പോൾ കൊതിച്ചുപോയി...
ഈ പുഴയെ കൊതിച്ചുപോയി.
No comments:
Post a Comment