ഒരു വെള്ളപ്പൂവ്

 ഒരു വെള്ളപ്പൂവ് 

ചെടിച്ചട്ടിയിൽ നട്ടുവളർത്തി 

പൂത്തൊരു പൂവല്ലയീ വെള്ളപ്പൂവ് 

കല്ല്ശിലകൾ തൻ കാൽച്ചുവട്ടിൽ 

പുൽകികിടക്കാത്ത വെള്ളപ്പൂവ് 

കല്ലുകടിയേറ്റു കട്ടകളുടച്ചു 

കരിങ്കല്ലിന്റെ  ഉള്ളമറിഞ്ഞു 

വേരോടിയ  ഈ വെള്ളപ്പൂവ്. 

കണ്ണീർത്തുള്ളികൾ തൂമഞ്ഞു 

പോലെയാക്കി, പാൽപ്പുഞ്ചിരി 

ചുണ്ടിൽ തൂകുമാ വെള്ളപ്പൂവ്.

കതിരോൻ കൊടുത്ത പച്ചപ്പൂടവ

ഉടുത്തൊരുങ്ങി കല്ലുമടകളോട് 

കിന്നാരം പറയുന്നു വെള്ളപ്പൂവ്.