ഇപ്രകാരം എന്തേ നീ

ഇപ്രകാരം എന്തേ നീ
തൊട്ടാവാടിയായി  പെണ്ണേ...
നിൻ ചാരെ വന്നുഞാൻ
വിരൽത്തുമ്പാൽ തൊട്ടപ്പോൾ
തന്നെ ,എന്തെ നീ ഒരു നുള്ളാൽ
എന്നെ നോവിച്ചു പെണ്ണേ.
ഒന്നും മൊഴിയാതെ

നീരസമോടെ നിന്നു. 

ഇപ്രകാരം എന്തേ നീ
തൊട്ടാവാടിയായി  പെണ്ണേ
നാട്ടുവഴികളിൽ
ചെങ്കതിരോൻ എത്തുമ്പോൾ
ഇളംകാറ്റിലാടി
ചനുചന പെയ്യുന്ന
മഴയിൽ തത്തികളിച്ചു

തളിരിലകൾ വിടർത്തി നിന്നു.

ഇപ്രകാരം എന്തേ നീ
തൊട്ടാവാടിയായി  പെണ്ണേ
മിഴികളാ൦ മലരുകൾ
വിടരവെ ,കണ്ണിമപീലികൾ
ചിമ്മി, നീ ചെമ്മേപുഞ്ചിരിച്ചു.
പുൽത്തകിടിയിൽ പ്രിയനെ
പുണർന്ന് ലജ്ജാവതിയായി നിന്നു. 

                വിനോദ്‌കുമാർ വി