കരിമുകിലിൻ നവരസഭാവങ്ങൾ...

കരിമുകിലിൻ നവരസഭാവങ്ങൾ...
താരാപഥത്തിലെ കരിമുകിലെ നിൻ
ചമത്കാരങ്ങൾ നവരസഭാവങ്ങൾ, കാണാൻ
വറ്റി വരണ്ട പുഴതൻ തീരത്തു.
വിണ്ടു കീറിയചുണ്ടുമായിരിപൂ ഞാനും.
മുകിൽപെണ്ണേ നീ വരുമ്പോൾ
തെക്കുപടിഞ്ഞാറൻ കാറ്റിൽ
തുടികൊട്ടിപാടുന്നു വേഴാമ്പലുകൾ.
കരുവാളിച്ച ശാഖികൾ കൈകൊട്ടും.
ശാന്തമാ൦ ,ഒരു കറുത്ത അരയനമായി
സഹ്യപർവ്വതത്തിൽ താനിറങ്ങി
അത്ഭുതം ,നിറക്കും നിൻമിഴികൾ
ദിക്കുകൾ ചുറ്റികറങ്ങി ,മെല്ലെ മെല്ലെ
പദം വെച്ചു ശ്യംഗാരമോടെ കൈകൂപ്പി.
സദസ്സ് ഈ  ഭൂവ്  മുറവിളികൂട്ടി 
ഹസിക്കയാം നീ ഇടിവാൾ ഏന്തി 
അന്തർലീന രൗദ്രത്തിൽ  ജ്വലിച്ചുനിന്നു .
ബീഭത്സമോടെ കൊള്ളക്കാരെ നോക്കി
വെട്ടിയെടുത്തിലെ പൂമരങ്ങൾ ,കരിമലകൾ .
സർവസഹയാം ഭൂവിൻറെ ദുർഗതികണ്ട്‌
നിൻ കാരുണ്യകരങ്ങളാൽ സവിധംതലോടി
നവചൈതന്യമേകി നിറയുമ്പോൾ
 ശമിക്കുന്നു ദാഹം ...