ആ പറങ്കിമാവും

വെട്ടിമാറ്റി ആ പറങ്കിമാവും.

പറങ്കിമാവിൻ കൊമ്പിൽ

ഓടിച്ചാടും അണ്ണാൻ കുഞ്ഞേ

കാറക്കുണ്ടി കാർന്നുതിന്നു

അങ്ങേവീട്ടിലെ തറയോട്ടിൽ

ചാടി ചാടി പോയീടല്ലേ.

ഗേറ്റടച്ചിട്ടേക്കയാണ് ..

അന്തിനേരം പാറിയെത്തും

ചില്ലമേലെ അടിപിടി കൂടും വവ്വാലുകളെ

പൂങ്കുലകൾ കുലുക്കി

പറങ്കിപ്പഴം ചപ്പിതിന്നു...

കശുവണ്ടി അയലത്തെങ്ങും

വലിച്ചെറിഞ്ഞു പോയീടലെ.

വേട്ടനായ്ക്കൾ കുരച്ചുചാടും .

പക്ഷിമൃഗാദികളെ ,കൂട്ടുകാരെ

ഇനി പറങ്കി മാവു വെട്ടിക്കളയാനില്ല

ചുട്ടുതിന്നാൻ കശുവണ്ടിവേണം

ചപ്പി തിന്നാൻ കാറപ്പഴവും വേണം

വേനൽ കാറ്റിലോ മഴയിലോ

പരിസരം മറന്നു ആ

പറങ്കിമാവ് ഒന്നു ചാഞ്ഞു

അയലത്തെ മതിലിൽ തൊട്ടു

പിന്നെ പിണക്കമായി...

കരിയില വീണു

കാറക്കുണ്ടി വീണു

കശുവണ്ടി വീണു

മെമ്പറെത്തി സിറ്റിങ്ങായി

വ്യവസ്ഥയായി മഴുകൊടുത്തു

വെട്ടിമാറ്റി ആ പറങ്കിമാവും

കണ്ടു വിഷമം തോന്നി.

തീരുമാനമായി...