മുഴുഭ്രാന്തൻ

      മുഴുഭ്രാന്തൻ
ഹേയ് ഭ്രാന്താ , മുഴുഭ്രാന്താ
നീ നീറുകയാണ് നിൻ തെറ്റുകളിൽ
പശ്ചാത്തപിച്ചു ആരുംകാണാതെ ,
സ്ഫുടം ചെയ്തു എഴുതുന്നകാവ്യങ്ങൾ
ഗുഹാമുഖങ്ങളിൽ,ഓലകീറുകളിൽ
നിർത്താതെ എഴുതിനടന്നു
നീ കണ്ടസത്യങ്ങൾ ,നിൻറെ വേദനകൾ .

നിൻറെ നാടും ,നിൻറെ വീടും
സമുദായചിട്ടകളും നിന്നെവെറുത്തു.
നിന്നെ ചീമുട്ടയെറിയാം
നിനക്ക് സ്വർഗ്ഗത്തെ പുൽകാൻ
കഴിയുകയില്ലായിരിക്കാo

ഭ്രാന്തനായി തോനാം
താടിയും മീശയും തലോടി
മൂളിപാട്ടു പാടി ഊടുവഴികളിൽ
മുഷിഞ്ഞ വസ്ത്രദാരിയായി
ബീഡിവലിച്ചു നീ നിൽക്കുമ്പോൾ
ചിലർ നിന്നെ ചങ്ങലകെട്ടി നടത്താം
അവഗാഹമില്ലാത്തവർ
വിവാദങ്ങൾ തീർക്കും .

ഹേയ് കാട്ടാളാ,നിൻറെ ജീവിത
വ്യഥകൾ അറിയാതെ
നിൻറെ കാവ്യങ്ങൾ വായിച്ചറിയാതെ
ഞാനും വിളിക്കുന്നു നിന്നെ
മുഴുഭ്രാന്താ.....നീ എഴുതുക
നീ കണ്ടസത്യങ്ങൾ ,നിൻറെ വേദനകൾ .