രണ്ട് ചിത്രശലഭങ്ങൾ

 രണ്ട് ചിത്രശലഭങ്ങൾ
എത്ര സുന്ദരം ഈ ഉദ്യാനത്തിൽ
പ്രണയിക്കും രണ്ട് ചിത്രശലഭങ്ങൾ.
പ്രേയസി നമ്മൾ ആ ചിത്രശലഭങ്ങൾ.
പാറി പാടി നൃത്തം ആടവേ,
ചാഞ്ചാടും ഓരോ പൂമരങ്ങൾ
നമ്മെ മാടി വിളിക്കുന്നു.
നമ്മൾ തൊട്ടുവിടർത്തിയ ഓരോപൂവും
സപ്തവർണങ്ങൾ നിറയ്‌ക്കുന്ന യാമങ്ങൾ .
സ്നേഹ സുഗന്ധം പരക്കുന്നു.
മകര മഞ്ഞിൽ ഇളംകാറ്റിൽ
മേനിയാകെ രോമാഞ്ചം .
വിറകൊണ്ടു നമ്മൾ പുണർന്നു
വിടർന്നു വന്നൊരോ പൂവിലും
പ്രണയത്തിൻ ഊഷ്മളതതേടി
പൂ ഇതളുകളിൽ ഒളിച്ചിരുന്നു.
പ്രദീപ്‌തമായപൂമ്പൊടിയാൽ
തീർത്തു നിനക്കായി രത്നമാല്യം
മുത്തമിട്ട് നിൻ അധരങ്ങളിൽ
പകർന്നു മധുകണങ്ങൾ .
എത്ര സുന്ദരം ഈ ഉദ്യാനത്തിൽ
പ്രണയിക്കും രണ്ട് ചിത്രശലഭങ്ങൾ .