ഹൃദയം ഒരു മഷിക്കുപ്പി
ഹൃദയം മഷിക്കുപ്പിപോലെ
സ്ഫടികമാം ഹൃദയത്തിൻ കോണിൽ
നേർത്ത വിള്ളലുമായി ...
വിരഹവേദനയാൽ അതിലൊരുകുഴലിൽ,
തളംകെട്ടിയ ഇത്തിരി മഷിയുണ്ട് .
നീലമഷിയുണ്ട് ...
അതടരും മുമ്പേനിനക്കായി
എൻ ഹൃദയത്തിൻ മഷിയിൽ
എഴുതാ൦ ഒരു പ്രണയകാവ്യം.
എൻ ഹൃദയത്തിൻ നീല മഷിയിൽ
എഴുതാ൦ ഒരു പ്രണയകാവ്യം.
ഹൃദയം മഷിക്കുപ്പിപോലെ
ഈ നീലവാരിധിതീരത്തു
നീലഗിരിപ്പൂക്കളും
നീലകിളികളും നീലാമ്പൽപൊയ്കയും
തേടുന്നു നിൻ ലാവണ്യമാം നീലമിഴികളെ .
നീലിമേ നിന്നെ എനിക്ക് ഇഷ്ടമാണ്.
നീലിമേ നിന്നെ എനിക്ക് ഇഷ്ടമാണ്.
ഹൃദയം മഷിക്കുപ്പിപോലെ.
നീലാകാശത്തുപാറും മയിൽ പേടയാം
നീ എത്ര എത്രയകലെയാണ്..
മനുഷ്യജനസ്സുകൾ തീർത്താമതിലുകളിൽ
നമ്മള്തൻ സ്നേഹഹൃദയമുരുകുമ്പോൾ
നീ ഉയർന്നു പറക്കുക നീലിമയിൽ
പ്രണയത്തിൻ കുളിർമഴയുമായി വാ.
എൻ ഹൃദയത്തിൻ മഷിയിൽ
എഴുതാ൦ ഒരു പ്രണയകാവ്യം.
മരുന്നും മന്ത്രവും എനിക്കുവേണ്ട
വിറയാർന്നയെൻ കൈകളിൽ തരുമോ
പൊൻതൂവലിൻ സ്നേഹസ്പർശനം
എൻ ഹൃദയത്തിൻ മഷിയിൽ
നിനക്കായി എഴുതാമൊരു പ്രണയകാവ്യം
നിനക്കായി എഴുതാമൊരു പ്രണയകാവ്യം.
വിരഹവേദനയാൽ അതിലൊരുകുഴലിൽ,
തളംകെട്ടിയ ഇത്തിരിനീലമഷിയുണ്ട് .
ഹൃദയമൊരു മഷിക്കുപ്പിപോലെ.
No comments:
Post a Comment