കുടുക്കവഞ്ചി

കുടുക്കവഞ്ചി 

കുലുങ്ങുന്ന കുടുക്കവഞ്ചി 

മണ്ണിൽ അലിയുമാ കുടുക്കവഞ്ചി 

എങ്കിലും പൂവിൻറെ ഇതൾപോലെ 

ഉള്ളിൽ മൃദുലമാം കുടുക്കവഞ്ചി 

ക്ലാവ് പിടിക്കാത്ത കുടുക്കവഞ്ചി 

പണക്കൊഴുപ്പടിയുന്ന കുടുക്കവഞ്ചി 

കുത്തിയാൽ തട്ടിയാൽ  പൊട്ടി

ചിന്നിച്ചിതറുമാ കുടുക്കവഞ്ചി 

ചോരത്തിളപ്പുള്ള  കുടുക്കവഞ്ചി.

ചില്ലറകൾ ഓരോന്ന് മിന്നി 

ചിലത് ബാക്കികിട്ടിയതു 

ചിലർ അറിഞ്ഞു തന്നത്  

അടുക്കളയിൽ അമ്മ

അളന്നുനോക്കാതെ തന്നതും 

അദ്ധ്വാനിച്ചു വരുന്ന അച്ഛൻ 

ഞാൻ പോലും അറിയാതെ

ഇട്ടുനിറച്ചതും ഈ കുടുക്കവഞ്ചി 

സൂക്ഷിച്ചുവെച്ച നിധിയായി 

ഇന്നെൻ കുടുക്കവഞ്ചി

കഠിന ദുഃഖത്തിലും ആ 

കരുതലായി, പൊട്ടിക്കാതെ 

എടുത്തു കൊടുക്കാൻ കഴിയും 

സ്നേഹച്ചിലറകൾ  നിറയുമെൻ 

ഹൃദയമാം കുടുക്കവഞ്ചി.