വാതുക്കൽ കൊച്ചരിപ്രാവ്
ചില്ലക്കൊമ്പിൽ നിന്നും പറന്ന്
എന്റെ ചില്ലുജാലകത്തിനരികെ
വന്നു ഉച്ചവെയിലിൽ കുറുകിക്കുലുമ്പി
ഒരു തവിട്ടുനിറമുള്ള കൊച്ചരിപ്രാവ്.
ചിറകുകൾ പതുക്കിയിരുന്നു കുറുമ്പി
കഴുത്തുചരിച്ചു ചേലുള്ള ചേഷ്ടകൾ കാട്ടി
ചേവടികളിലുയർന്നു ഏറുകണ്ണിട്ടെന്നെനോക്കി
അടുപ്പംതോന്നി ചിത്രമൊപ്പിയെടുത്തു
ഇത്തിരി വാരി നൽകി പാട്ടിലാക്കാൻ
അരുമയാമവളുടെയരികിൽ ചെല്ലവേ
മുകളിലേക്ക്‌ സൂര്യ താപനമേല്കുവാൻ
ചിറകുകൾ വിടർത്തി പറന്നുവാപ്രാവ്.
No comments:
Post a Comment