മഷിത്തണ്ട് ഓർമിപ്പിച്ചു
ആ സ്ലേറ്റും പെൻസിലും.
തെറ്റ് തിരുത്തുവാൻ
ഒടിച്ചു പിഴിഞ്ഞ ആ
കുഞ്ഞുതണ്ടുകൾ,
സ്ലേറ്റും ഒടിഞ്ഞു
പെൻസിലൊടിഞ്ഞു.
കൈതക്കാട്ടിലെറിഞ്ഞു
ഒത്തിരി കരഞ്ഞു..
പക്ഷേ ആ ഇത്തിരി
തണ്ടുകൾ തെറ്റുതിരുത്തുവാൻ
വീണ്ടും തിരഞ്ഞു
പണ്ടുകൊണ്ടിടുമായിരുന്ന
കിണറ്റിന്ക്കരയിൽ
ഞാൻ തേടി അലഞ്ഞു
ഓർമ്മകൾ തൻപച്ചപ്പിൽ
ആ ഓമന മഷിതണ്ടുകൾ.
ആൻഡ്രോയിഡ് ഫോണുമായി
തോണ്ടിക്കളിച്ചു ഇന്ന്
ബാല്യമിരിക്കുമ്പോൾ
ഞാൻ തേടി അലഞ്ഞു
ഓർമ്മകൾ തൻപച്ചപ്പിൽ
ആ ഓമന മഷിതണ്ടുകൾ
No comments:
Post a Comment