ഗ്രീഷ്മമേ നീ എൻ ബാല്യസഖി

ബാല്യം എത്രസുന്ദരം
ഗ്രീഷ്മമേ നീ എൻ ബാല്യസഖി
ഋതുക്കളിൽ നീ എത്ര മനോഹരി
വേനൽകാറ്റിൽ പുഷ്യരാഗരേണുകൾ
തലോടിപറക്കുന്ന പൂത്തുമ്പിയായി
വേനലവധി എനിക്കേറെയിഷ്ടം
നിന്നോടൊപ്പം പൊടിമണ്ണുതട്ടിപ്പറത്തി
കുയിൽപ്പാട്ട് കേട്ടും ,പുളിമാങ്ങ തിന്നും
കിണർവെള്ളം കോരിക്കുടിച്ചും
നാട്ടുവഴിയിലും പുഴയരികിലും
പരിലസിച്ചോടിക്കളിച്ച ബാല്യകാലം
ഓർത്തുപോയി ഒപ്പം
ഗ്രീഷ്മമേ നിന്നെ ...

നാടും വീടും കോൺക്രീറ്റ്
കോട്ടകളായി ,ജലചക്രം
തട്ടിയുരുട്ടി ചിരിച്ചുവരുന്ന
ശ്യാമമേഘങ്ങൾ കാണാതായി
സ്‌നേഹനദികൾ ചിതറിയ
മൺ കല്ല് ശകലങ്ങളായി .
ഇപ്പോൾ ഉള്ള ബാല്യമോ
മൊബൈൽ ടെക്സ്റ്റ് ചെയ്തു
കണ്ണിൻ കാഴ്ച്ച പോയി
ഗ്രീഷ്മമേ നീ ചുടലഭ്രാന്തിയായി