അണിയട്ടെ ആ പട്ടാളവേഷം.
വിധവയാണ് നിൻ വിധവയാണ് ഇനി
വിതുമ്പുകില്ല വിതുമ്പുകില്ല
ഞാൻ അണിയട്ടെ അഭിമാനപൂര്‍വ്വം
ആ പട്ടാളവേഷം...പട്ടാളവേഷം.
നിറവേറ്റും നിൻറെ ഓരോ സ്വപ്നം
അലമാരിയിൽ എൻ ആത്മാവുപോൽ
മടക്കി വെച്ചക്കുപ്പായം എന്നും തലോടി
കട്ടിലിൽ കിടന്നു കരഞ്ഞിരുന്നു.
പ്രിയതമാ ഞാൻ കരഞ്ഞിരുന്നു
അതിൽ നിൻറെ ചുടുരക്തക്കറയുണ്ട്
കുളിരുള്ള വിയർപ്പിൻ ഗന്ധമുണ്ട്.
പ്രിയതമാ ,അതിലെ നക്ഷത്രങ്ങൾ
എൻ കയ്യിൽ തിളങ്ങുമ്പോൾ
നീയോ ദിവ്യനക്ഷത്രമായി
സ്വപ്‌നങ്ങൾ ബാക്കിയായി
തിളങ്ങുന്നു നിസ്സീമവാനിലായി ,
വെടിയുണ്ടകൾ തുളഞ്ഞുകയറി
ഇടനെഞ്ചു തകർന്നപ്പോഴും
ഉയർത്തിപിടിച്ചു ആ ത്രിവർണ്ണപതാക.
ഇന്ന് എൻറെ ഹൃദയമിടിപ്പാണ്
മായ്ക്കട്ടെ സിന്ദൂരരേഖ പകരം
തലയിൽ ചൂടുന്നു പാരിതോഷികം
പോലെ നീ ഏല്പിച്ചുനൽകിയ
പൊൻ തൂവൽത്തൊപ്പി
ചുറ്റും നിറയുന്നു നിൻ നിഴലാട്ട൦
പർവ്വതശിഖരങ്ങളിൽ രാജ്യത്തെകാക്കുവാൻ
അണിയട്ടെ ഞാനും ആ പട്ടാളവേഷം.
സല്യൂട്ട് ഡിയർ ജവാൻ .
No comments:
Post a Comment