കാറ്റിന്നുണ്ട് ഗദ്ഗദം.

പ്രണയക്കാറ്റിൻ  ഗദ്ഗദം .  
അംഗോപാഗം പരിമണമേറിയ പൂവിനെ
പ്രണയിച്ച കാറ്റിൻറെയന്തരംഗം,
രാപ്പകലുകൾ സ്നേഹക്കരകൾ താണ്ടി
നിറയെനനഞ്ഞ മഴയുടെനിനവിൽ ,
നിറങ്ങൾ വിതറിയ മഴവിൽകനവിൽ
മൊഴിയും ഓടക്കുഴലിൻ
ഗാനമധുരവുമായി
ദൂരേക്കു ദൂരേക്കു അകലും
ആ കാറ്റിന്നുണ്ട് എന്നും ഗദ്ഗദം.
വർണ്ണക്കിളികൾതൻ കൊഞ്ചലും കേൾക്കാറില്ല
കുണുങ്ങി കിങ്ങിണികിലുക്കുമാപുഴകളെ നോക്കാറില്ല
ഇളകിമറിയും അലകളിൽ പതഞ്ഞുയരും
കടൽച്ചുഴിയുടെ ലഹരിയിൽ ,കൗതുകം തോന്നാറില്ല.
അനന്തവിഹായസിലുയരും 
ദൂരേക്കു ദൂരേക്കു അകലും
ദൂരേക്കു ദൂരേക്കു അകലും
പ്രണയക്കാറ്റിന്നുണ്ട്  ഗദ്ഗദം.

കടൽ കടന്നു മലകടന്നുമരുഭൂവിലെത്തി
ചുട്ടുപൊള്ളും വെയിലിൽ നീറി ,
അഭിലാഷങ്ങൾ ശൂന്യമായി,
വിതുമ്പി തേടുകയായി വിരഹാനുരാഗവുമായി
മരുപ്പച്ചയിലാ പരിമണമേറിയ പൂവിനെ 
കണ്ടെങ്കിൽ പകരാം ഈ ജീവശ്വാസം ....
ഞാൻ അറിഞ്ഞു സ്നേഹക്കരകൾ
താണ്ടിയ ആ പ്രണയക്കാറ്റിൻ  ഗദ്ഗദം .
വിനോദ് കുമാർ വി

വിനോദ് കുമാർ വി