നാട്ടുവഴി കാഴ്ചകൾ

 നടന്നകന്ന നാട്ടുവഴി കാഴ്ചകൾ

ഒരു കൊട്ടയിൽ പച്ചമരുന്നുകൾ

നിറച്ചുകോണ്ടുപോകവേ

മുത്തിത്തള്ള മുറുക്കിതുപ്പിയ

ആ നാട്ടുവഴികൾ ...മഴയും

കാറ്റും അടിച്ചുവാരിപോകവേ

എത്തുന്നു പൊന്മകുടം

ചൂടിയ അരുണകിരണങ്ങൾ ..

വഴിതെളിക്കും നാട്ടുവഴികൾ .

മലർക്കുലകൾ കാറ്റിലാടും

കിള്ളിപ്പാട്ടുകൾ നിറയും

ചില്ലകൾ ആ മരത്തണലുകൾ

നിറയും നാട്ടുവഴികള്ളിലൂടെ

നടന്നുപോകവേ കണ്ടു

മണികിലുക്കിപോകും

കാളവണ്ടികൾ ,ചേറ്റുകണ്ടത്തിൽ

നിന്നും ചിറകുവീശി

വഴിയുടെ കുറുകെനിൽപ്പൂ

കുട്ടിത്താറാവുകൾ ...

പാടങ്ങളിൽ വേലചെയ്യുന്നവർ

ഒരു കൂസലില്ലാ കുളിച്ചൊരുങ്ങി

തോട്ടിൽ നിന്ന് വെണ്ണ

കസവുമേനി കാട്ടിചിരിക്കും

വെള്ളാമ്പല്ലുകൾ ..ഒറ്റാൽ

പോലെ കൂർത്തകൊക്കുമായി

ഒറ്റക്കാലിൽ ഇരുന്നു

മീൻ പിടിക്കും കൊറ്റികൾ

കാഴ്ചകൾ തീരാത്ത

വർണ്ണകാഴ്ചകൾ ഒട്ടിച്ചുവെച്ച

മനസ്സുമായി നടന്നകന്നു

ജീവിതം തേടിപ്പോകവേ