ഓർമ്മയിൽ ഓല വീട്
ഓല വീടിനു പച്ചപ്പുണ്ട്
മേച്ചിൽ ഒരു ആഘോഷമാണ്
തെങ്ങോലപ്പീലി തുള്ളിയാട്ടി
തോട്ടിലും കുളത്തിലും ചാടി
മുക്കികെട്ടിവെച്ചുരാത്രികൾ
മൂന്ന് കഴിഞ്ഞു പൊക്കി
മുറുക്കിത്തുപ്പി മുറ്റത്തു
കുത്തിയിരുന്നു മെടഞ്ഞുണ്ടാക്കി
പൊക്കികെട്ടിയ ഓലക്കൂരയ്ക്കു
ഉള്ളിൽ ഒട്ടിക്കിടക്കുന്ന
ഓർമകൾക്കെന്നും പച്ചപ്പുണ്ട്
ചങ്കരി നിൻറെ പുഞ്ചിരിയുണ്ട്
ചങ്കോട് ചേർന്നിരുന്നു കണ്ട
ഒരായിരം വർണ്ണ സ്വപ്നങ്ങളുണ്ട്
No comments:
Post a Comment