പ്രിയ കാമുകൻ
നീലവാനം ഒരു കാമുകനല്ലോ
ഉണർത്തിയുറക്കി കണ്ണോടിച്ചു
രാപ്പകലുകൾ അവളെ നോക്കി
ഉയരെ ഉയരെ നിൽക്കുകയല്ലേ.
ആ വിശാല പ്രണയഹൃദയമാം
മഴമേഘംമിടിക്കുന്നെ കേട്ടോ ,
പ്രേമത്തിൻ വെള്ളിയാവേഗങ്ങൾ
പടർത്തി ,ഭൂമിപ്പെണ്ണിൻ ചുണ്ടിൽ
മണിമുത്തുകളാൽ മുത്തമേകി,
ഒരു വർണ്ണത്തൂവലാം മഴവില്ലു
തീർത്ത് ധമനികളാംപുഴകളെ
തലോടി,കുളിർക്കാറ്റിൽ തനുവാകെ
ഇളകിയാടുംമലർപ്പുടവ നല്കി
മനംകവരുന്ന പ്രിയ കാമുകനല്ലോ.
No comments:
Post a Comment