നീലവാനം ഒരു കാമുകനല്ലോ
പൂര്‍ണ്ണതയുള്ള പ്രിയകാമുകനല്ലോ
അവളുടെമേനിയിൽ കണ്ണോടിച്ചു
രാപ്പകലുകൾ നിൽക്കുകയല്ലേ.
പ്രണയഹൃദയമാം ആ മഴമേഘം
മിടിക്കുന്നെ കേട്ടോ ,പ്രേമത്തിൻ
വെള്ളിയാവേഗങ്ങൾ പടർത്തി
ഭൂമിപ്പെണ്ണിൻ തോളിൽ തട്ടി.
മണിമുത്തുകളാൽ മുത്തമേകി
ഒരു വർണ്ണത്തൂവലാം മഴവില്ലു
തീർത്ത് ധമനികളാംപുഴകളെ
തലോടി,കുളിർക്കാറ്റിൽ തനുവാകെ
ഇളകിയാടുംമലർപ്പുടവ നല്കി
മനംകവരുന്ന പ്രിയ കാമുകനല്ലോ.
No comments:
Post a Comment