സ്നേഹമഴ

ഇള൦ വെയിലുമാഞ്ഞു
കുടയെടുത്തകൂട്ടുകാരനോടൊപ്പം
ഉന്തിയും തള്ളിയും കഥകൾ
പറഞ്ഞു രസിച്ചുപോകുന്നേരം
ഞാറുകൾ പകുതിവെള്ളത്തിൽ
പൊടിമീനുകൾ മിന്നികണ്ടതിൽ
ചാടിക്കളിച്ചു പച്ചമെത്തവിരിച്ച
വരമ്പിലൂടെ ചാടിക്കളിച്ചു
തുണിസഞ്ചിയും തോളിലിട്ടു
സ്കൂളിലേക്കുള്ള ആ വഴിയിൽ
കാത്തിരുന്നെത്തും
സ്നേഹമഴ 

മഴയെ 

ഓർത്തുപോയി ആ മഴയെ 

നനഞ്ഞോടി പാടവരമ്പിലൂടെ 

ചെന്നു വലിയ മവിൻചോട്ടിൽ, 

നനഞ്ഞ ചിറകുകൾ വീശിചിലക്കും  

കൊമ്പിൽ ഇരുന്നു തിന്നുന്നു

തത്തകൾ തത്തച്ചുണ്ടൻ മാമ്പഴ൦. 

കുളിർക്കാറ്റിൽ കാത്തു നിൽപ്പൂ 

ഈറനാ൦ മേനികുളിർപ്പിച്ച കാറ്റേ 

നീ പൊഴിച്ച്  തരുമോ എനിക്കും 

ഒരു മധുരിക്കും മണമുള്ള മാമ്പഴം 

മഴനനഞ്ഞു രുചിക്കുമ്പോൾ 

ചിത്ത൦ നിറഞ്ഞു നനയും ആ മഴയും 

മാവിൻചോടുംമധുരം നിത്യം മധുരം