എനിക്കുണ്ട് ഈ ആഘോഷം
നിനക്കുണ്ട് ഈ ആഘോഷം
അണുവിലും കടലിലെതിരതല്ലും
തിമിംഗലവും നടത്തുമീ ആഘോഷം
മണ്ണിലിഴയും ജീവിക്കും വാനിൽ
ചിറകടിച്ചുയരുമാ പറവക്കും
ഒരുമയോടെ ഒട്ടാകെയാഘോഷം
ചെറുവിത്തിലും ബോധിവൃക്ഷത്തിലും
അളക്കാൻ കഴിയാത്ത ആവേശം
പുലരിവെളിച്ചം വർണ്ണ൦വിതറി
ജൈവവൈവിദ്ധ്യം നിറയും
പരിസ്ഥിതിദിനാഘോഷം.
കടലിലും കരയിലും നിത്യം
ആർപ്പുവിളിച്ചാക്കാറ്റു പാറി
പരിസ്ഥിതിദിനാഘോഷം .
ഉന്മേഷവതിയായി ഇത്തിരി
ചരിഞ്ഞ ഒരു അച്ചുതണ്ടിൽ
മലകൾക്കുംമുകളിൽ
ആ ഓസോൺക്കുടച്ചൂടി
ജീവതാളത്തിൽ തുള്ളിക്കറങ്ങി
ഈ നീലഭൂമിക്ക് ആഘോഷം
ജൈവവൈവിദ്ധ്യം നിറയും
പരിസ്ഥിതിദിനാഘോഷം
തളിർക്കട്ടെ പൂമരങ്ങൾ സന്തോഷം
കടലിലും കരയിലും നിത്യം
ആർപ്പുവിളിച്ചാക്കാറ്റു പാറി
പരിസ്ഥിതിദിനാഘോഷം .
No comments:
Post a Comment