കൂടുകാണാക്കിളി
കടൽതാണ്ടി പറക്കാൻ കഴിയാത്ത
കിളികൾ ചിറകു കുടഞ്ഞു
മരുഭൂവിലെ പൊടിമണ്ണിൽ
പരിതാപത്തിൽ പെട്ടുകിടന്നു.
നൊമ്പരങ്ങളിലും കൊത്തിപ്പെറുക്കി
കൂട്ടിവെച്ചു എന്തൊക്കെയോ
ആർക്കൊക്കെയോ വേണ്ടി
സ്വപ്നക്കൂട്ടിലേക്കായി....
മുഖാമുഖം കാണുവാൻ
പരിവാരത്തോടൊപ്പം ചേക്കേറുവാൻ
മരുപ്പച്ചയിൽ നിന്നും നാട്ടുമാവിൻ
ചില്ലയിലേക്ക് പാറിയവർ ചേക്കേറിയോ ?
കല പില കൂട്ടി ആ കിളികളെ
കുടുംബക്കാർ ആട്ടിപ്പായിച്ചോ ?
നാട്ടുകിളികൾ കൊത്തിമുറിവേൽപ്പിച്ചോ ?
ഹൃദയങ്ങളിൽ ഒഴുമുറികൾ
തീർത്തു വാതിലുകൾ കൊട്ടിയടച്ചു
രക്തബന്ധം മറന്നവർ ,അവരിൽനിന്നും
ആ കൂടുകാണാക്കിളി ഇരുട്ടിലേക്ക്
പറന്നകലുമ്പോൾ മരുഭൂവിൽനിന്നും
ഈന്തപ്പനകൾ മാടിവിളിച്ചു .
No comments:
Post a Comment