ഹലോ ഡാർവിൻ,

ഹലോ ഡാർവിൻ
ഹലോ ഡാർവിൻ വരിക വരിക
നാടകങ്ങൾകഴിഞ്ഞു ഇത് കോവിഡുയുഗം
ദൈവത്തിൻ സ്വന്തം നാടുകാണാ൦ 
ഓളങ്ങളിൽ വയമ്പുകൾ മിന്നുന്നു .
തീരങ്ങളിൽ പക്ഷിമൃഗാദികൾ
കാഹളങ്ങൾ മുഴക്കുന്നു
പൂമ്പാറ്റകൾ പാറുന്നാ മരതക
പച്ചപ്പിൽ പൂച്ചെണ്ടുകൾകുലുങ്ങുന്നു
കാലക്കേടെങ്കിലും കൊറോണ
മനുഷ്യൻറെ പൊള്ളത്തരങ്ങൾ
കാട്ടിത്തന്നു കാണാൻ നീ വരിക.

ഹലോ ഡാർവിൻ,നീയൊരു  പുരാവിത്ത്
നിൻറെ പായ്ക്കപ്പലോ ലോകംചുറ്റി
തളർന്നിരിക്കുകയല്ലെ,ആ  പുരാവസ്തു.
പൂഴിയിൽ തെങ്ങുംകുറ്റിയിൽ
കെട്ടിയിടു ഈ സ്വപ്നവഞ്ചിയിൽ വരൂ
യഥാര്‍ത്ഥ മനുഷ്യരെ കാണാം
ദൈവത്തിൻ സ്വന്തം നാടുകാണാം.
നോക്കിയെ അവനവൻറെ വീട്ടിൽ
ഭ്രാന്തില്ലാ "മനുഷ്യരായി"
തുറക്കരുത് എന്നുപറഞ്ഞവർ ഒന്നിച്ചു
തലവെട്ടുകയില്ല മതവെറിയില്ല
തുറക്കുവാൻ  ആർക്കും തുടിക്കുന്നില്ല
തെറിവിളീകൾ  കുറഞ്ഞിട്ടുമുണ്ട്
കരുത്താരും കാട്ടാൻ ഉച്ചത്തിൽ
പ്രാർത്ഥനയില്ല വെടിക്കെട്ടുകളില്ല  ഇല്ല ,
പരസ്പരം പടകാഹളങ്ങൾ ഇല്ല ,
 തീർക്കണോ പുതിയതാക്കോൽ .
അടച്ചേക്കുക ആ കെട്ടിടങ്ങൾ.


ഹലോ ഡാർവിൻ,ആ പഴയവീഞ്ഞെടുക്കൂ
പരിണാമ ഗ്രന്ഥം പകരുമാ
വെളിച്ചം എനിക്കൂടി പകരൂ
പറഞ്ഞത് മൊത്തവും തത്ത്വജ്ഞാനം
വിളിച്ചുകൂവാം നിന്നോടൊപ്പം.
അടച്ചേക്കുക ആ കെട്ടിടങ്ങൾ
അവിടെ ദൈവമില്ല
നടവരവ് കാത്തിരുന്നപുരോഹിതർ
ആരുമില്ല കല്ലെറിയില്ല കൈവെട്ടുകില്ല
ലോക്ക് ഡൗണ്ണിൽ, നിൻറെ
പുസ്തകം കത്തിക്കുകയില്ല.

ലെക്ക്‌ വീണപോലെ കൈകൾ
സോപ്പിട്ടു കഴുകി ലോകം
മുഖംതുടച്ചു ആ  ഗ്രന്ഥമെടുത്തു
"പരിണാമം" ഇനിവായിക്കാ൦
അണുവിൽ തുടങ്ങിയ പരിണാമം
തീർത്ത ഈ ജീവവൈവിധ്യം 
ഈ കേരകേദാരമാകെ സ്വർഗ്ഗ൦
വൈറസുകൾ ചുറ്റുമുണ്ട്
മാസ്കുവെച്ചു നടക്കാം "മനുഷ്യനായി "
ഇത് കോവിഡുയുഗത്തിൻ നന്മ.