സ്വപ്നമേ നീ എവിടെ ?

സ്വപ്നമേ
സ്വപ്നമേ നീ ഒരു സ്വർണ്ണമയൂഖമായി
കടൽതാണ്ടി  വന്നു ,നിനക്കായി
ഡിപ്ലോമാറ്റിക്ക് വഴികൾ തുറന്നു
സ്വർണ്ണത്തിൽ നിമജ്ജനം                       
 ചെയ്‍തവശ്യരൂപമാ൦ സ്വപ്നമേ ...
എവിടെയും ഏതു മനതാരിലും
നിനക്ക് എത്തിച്ചേരാം നിമിഷങളിൽ ,
നിശീഥിനിയിൽ നക്ഷത്രങ്ങൾ മിന്നി 
അനന്തവിഹായസ്സിൽനിന്നും
പറന്നെത്തി ഗാംഭീര്യമോടെ
മണിമന്ദിരങ്ങളിൽ ഭരണശിരസുകളിൽ 
നീ സുന്ദരിയായി വെട്ടിത്തിളങ്ങിനിന്നു.
രാവിൽ കുറുക്കന്മാർ ഓരിയിട്ടു
കാവൽപ്പട്ടികൾ മൗനം ഭുജിച്ചുനിന്നു.
സ്വർണ്ണവർഷത്തിൻ  സുഖ
സുഷുപ്തിയിൽ പടർന്നുചേർന്നുകിടന്നു 
ഭൂതവര്‍ത്തമാനഭാവികാലങ്ങളിൽ
കനകവും കാമവുമായി ഗാംഭീര്യമോടെ
കിളിവാതിലുകൾ സാമ്രാജ്യങ്ങൾ
തുറന്നു  കനക "സ്വപ്നമേ" നീ എവിടെ
അന്നന്നത്തെയന്നത്തിനായി
വകതിരയുന്നവൻറെ നിദ്രയിൽ
നീയാം സ്വപ്‌നസുന്ദരി  വന്നതില്ല .
സ്വപ്‍നമേ  മുങ്ങിക്കളിക്കുന്നതെവിടെ.
Vinod kumar v

സ്വപ്നമേ നീ ശേഖരിച്ചു 

കൊണ്ടുവന്നു ഒത്തിരി 

സ്വർണ്ണം ആ സ്വർണ്ണത്താൽ 

തീർത്തു മിന്നും ആഭരണം 

അണിയിപ്പിച്ചു നടത്തി ഭരണം 

ഉറക്കംപോയ ആ രാവുകൾ 

ശിവ ശിവ ശങ്കരാ സ്വപ്നം 

തീർത്തു കാമവും കനകവും

സ്വപ്നങ്ങൾ ഇല്ലാത്ത  രാവുകൾ 

നിത്യം ഏഴർക്കു നൽകി 

സ്വസ്ഥമായി കൂരയിൽ 

കിടന്നുറങ്ങാനുള്ള ധൈര്യം .