ആദ്യാക്ഷരപൂക്കൾ

എൻറെ ആദ്യാക്ഷരപൂക്കൾ
ചിരിച്ചത് ആ മണ്ണിൽ ,
വീടിൻറെ തിണ്ണയിൽ വാരിയിട്ട
ഒരുപിടിമണ്ണിൽ...അമ്മ
സ്നേഹത്താൽ കൈയ്യിൽ
പിടിച്ചോണ്ടു എഴുതിക്കവെ 
"ഹരിശ്രീ" തീർത്തുവാ
ഇന്ദ്രജാലം ആദ്യാക്ഷരപൂക്കൾ നിറഞ്ഞു 
ഉദ്യാനത്തിൽ   കിളികൾ പാടിയിരുന്നു   
ആ മണ്ണിട്ടതു കൊണ്ടാകാം
ഇന്നും അക്ഷരപൂക്കൾ വാടാതെനിന്നു..

മഴ

മഴയായി മാറാൻ മോഹം

പുഴയെ തഴുകാൻ മോഹം

പുഴയെ തഴുകി കാട്ടുവഴിയിൽ

ഓരോമരച്ചില്ലയിൽ ആടാൻ മോഹം

പച്ചപ്പിൽ വിടരും പൂക്കളിൽ

മധുവായി കിനിയുവാൻ മോഹം.

പുണ്യതീർത്ഥമായി എന്നും

സർവജീവജാല ഹൃദയങ്ങളിൽ

നിറയാൻ മോഹം ...

ചന്ദനക്കാറ്റിൽ കുളിരായി

മാറി എൻ പ്രണയിനി

നിന്നെ പുണരാൻ മോഹം .

മഴയായി മാറാൻ മോഹം

ഇള൦ വെയിലിൽ ചിതറി

മഴവിൽതീർക്കുവാൻ മോഹം

ഇളകും കടലിൽ തിരയുടെ

മുകളിൽ നൃത്തമാടും

മഴയായി മാറാൻ മോഹം .

മണ്ണിൽ നിന്നുയർന്നു വിണ്ണിൽ

മിനലിനോടൊപ്പം പാറാൻ മോഹം

ആ മഴയായി മാറാൻ മോഹം