മനനാട്

മനനാട് "
മനനാട്ടിൽ മൂലക്കൊരു പനയുണ്ട്
പനയിൽ യക്ഷിയുണ്ട് ,കഥകൾ
പെരുപ്പിച്ചുപറയാൻ മനുഷ്യരുണ്ട് .
ചോരയാരുടെയൊക്കയോ  കുടിച്ച
യക്ഷിപ്പാല  കരിഞ്ഞു നിൽപ്പതല്ലോ
ആ യക്ഷിപ്പനയുടെ ചോരയാരൊക്കെ
ആരൊക്കെയോ ഊറ്റി കുടിച്ചതാണ ?

മനനാട്ടിൽ പടിഞ്ഞാറു കുളം അതുണ്ടെ       
ആ കുളത്തിൽ കുളിച്ചു വിളക്കുവെക്കേണ്ട
കാവുകളുണ്ട് ,ആ കാവിൽ ഇളകിക്കിടക്കും
നാഗ ശിലകളുണ്ടെ ,എങ്കിലും ആ
പച്ചപ്പിൽ കുയിലും മൈനയും
കിളികളും പാടുന്നുണ്ടെ ....

അരിപ്രാവുകൾ കുറുകുന്ന മനയുടെ
മേൽക്കൂരയാകെ പൊളിഞ്ഞു കിടക്കുകയാണ്
ഇല്ല൦ പൊളിച്ചടുക്കുവാൻ എത്തുന്ന
ജെസിബിയും ബുൾഡോസറും കയറിവരുന്നത്
കണ്ടപ്പോൾ ആ മനക്കൽ
നടുമുറ്റത്ത് ഒരു കൃഷ്ണതുളസി
പടിപ്പുരയിൽ മനസ്താപമോടെ നില്പതുണ്ടെ.