വേട്ടക്കാരെ കാണണം

വേട്ടക്കാരെ കാണണം
എയർപോർട്ടിൽ ചെല്ലണം
സ്വർണ്ണവേട്ടക്കിറങ്ങിയ
വേട്ടക്കാർ തുറിച്ചുനോക്കിയത്
ആരെയെന്നോ ആ പാവം
ഇരയെകാണണം
ഇടുങ്ങിയ വഴിയിൽ
ചാടിപ്പിടിക്കണം ,
വര്ഷങ്ങൾകഴിഞ്ഞുള്ള
വരവല്ലെ പോക്കറ്റിൽ തപ്പണം
റെസിപ്റ്മായി തേരാപാരനടത്തണം
കൊണ്ടുവന്ന മാലയും
വളയും കമ്മലും തിരയണം
ആടുമാടുകളുടെ കൂടെ കഴിഞ്ഞു
പണിയെടുത്തു നികുതിയടച്ചു
കൊണ്ടുവന്ന ആഭരണങ്ങളെ
എല്ലാടവും തൂക്കിനോക്കണം

കൊണ്ടുവന്ന പെട്ടിപൊട്ടിച്ചു 

കാട്ടണം ആയുധം ഉള്ളത് 

എന്ത് എന്ന് ചൊല്ലണം 

ചുറ്റുമുള്ളവർ നോക്കുന്നു 

ഇവൻ ആതങ്കവാദിയെന്നോ 

എത്രത്തോളം കഷ്ടപ്പെടുത്തണം
അതൊരു പാവം  പ്രവാസി.
എയർപോർട്ടിൽ അലയുംമ്പോൾ
പച്ച അറയിൽ സ്വച്ഛന്ദം ഇറങ്ങി
പോയത് സ്വർണപ്പക്ഷി
കൂട്ടിൽ പിടിച്ചു വെച്ചതോ 
ഒരു പാവം പ്രവാസിക്കിളി.