ഒരു പോരാളി

നഗരപ്രാന്തമേ ലോകമാകെ യുദ്ധമാണ് 
പോരടിച്ചു മരിച്ചു വീണുലക്ഷങ്ങൾ  
നിങ്ങളോടൊപ്പം ജയിക്കാൻ
കൊതിച്ച  ഒരു പോരാളി ഇന്ന് തോറ്റുപോയി 
തോൽക്കാത്തൊരു ആത്മാവ് 
മോഹിച്ചത്  ദേഹിക്കുറങ്ങുവാൻ
ആറടിമണ്ണുമാത്രം ഓർക്കുക
തോറ്റുപോകുന്നത് പോരാളികൾ 
മരണമില്ലാത്തവരായി ഭാവിച്ചു 
നിങ്ങൾ ശവദാഹം മുടക്കുമ്പോൾ
ഊറ്റം കൊള്ളാൻ  ഉണ്ടാകില്ല മനുഷത്വം ,
അല്ലയോ അല്പായുസ്സുകളെ കേൾക്കൂ 
ശുശ്രൂഷവേണ്ട അന്ത്യചുംബനം വേണ്ട  
ഉറങ്ങാൻ ആഴത്തിൽ ആറടിമണ്ണുതാ 
അല്ലെങ്കിൽ ആത്മാവും തോറ്റുപോകും.