അക്കിടിപറ്റിയത് ആർക്ക്?
കൂവി വിളിച്ചു പൂങ്കോഴി
പൂനിലാവിൽ രസിച്ചു കൂവി
കിനാവള്ളി കണ്ടൊരു
കുറുക്കൻ കച്ചിത്തുറുമേലെ
ഇരിക്കും കോഴിയെ
കണ്ണുചിമ്മാതെ നോക്കി ,
പുലരുവോളം നാവുനീട്ടിയിരുന്നു....
അങ്ങോട്ടുമിങ്ങോട്ടും നോക്കി.
കൂവി വിളിച്ചു പൂങ്കോഴി
ചിറകുകൾവിരിച്ചു കുടഞ്ഞു
വാലുകൾ കുലുക്കി
ശിരോഭൂഷണം ചുവപ്പിച്ചു
ഉദിച്ചസൂര്യനെ നോക്കി കൂവി.
ഊശിയായി കുറുക്കൻ
ആ രാവിലും വന്നുപോയി.
അക്കിടിപറ്റിയത് ആർക്ക്
അങ്ങോട്ടുമിങ്ങോട്ടും നോക്കി
കുറുക്കനും കോഴിയും കൂവി.
Vinod kumar V
No comments:
Post a Comment