പത്മവ്യൂഹം

 പത്മവ്യൂഹം

മലകൾക്കിടയിൽ ആ യുദ്ധഭൂമി ..

ജനാധിപത്യത്തിന് കഥ

മുഴുവനറിയാതെ ഉള്ളിൽ

കയറിയ അഭിമന്യുമാർ

ആയിരങ്ങൾ വീണുകിടപ്പൂ

അകാലമൃത്യുവടയുമ്പോൾ ..

അമ്മമാർ സഹോദരിമാർ

കണ്ണീർസാക്ഷികൾ ജീവിച്ചിരുപ്പൂ

ഉറഞ്ഞുകിടപ്പൂ ആ യുദ്ധഭൂവിൽ

ചേതനയറ്റ ശരീരങ്ങൾ

ആര് ആരെ ചതിക്കുന്നു

രണ്ടും വേണ്ടപ്പെട്ടവർ ...

അവതാരങ്ങൾ മാറിവരുന്നു

കഥ പാതിയിൽ നിർത്തുന്നു

സർവസൈനിക സന്നാഹങ്ങൾ

തുടരട്ടെ , അഭിമന്യുമാരുടെ

ചിത്രങ്ങൾ ഉയരട്ടെ പത്മങ്ങൾ

അർപ്പിച്ചു നിസ്സംഗരായി നിൽകാം

ഇത് മഹാഭാരത യുദ്ധം