എൻ പനിനീർപ്പൂവേ
അളവറ്റ അനുരാഗം പകരുവാൻ
ഞാൻ നിൻ അരികെയന്നു വന്നു.
എൻറെ നിശ്വാസം നിൻറെയിതൾ
വിടരുംചുണ്ടിൽ മന്ദം പകർന്നുതന്നു
നിന്നിൽ ചെറുപുഞ്ചിരി നിറയുമ്പോൾ
എൻ പേശികളിൽ ഊർജം നിറഞ്ഞു.
ഗാഢമായി നിന്നെപ്പുണർന്നു
എൻറെ ഹൃദയത്തോട് ചേർത്തു
ആ മാംസള ദളങ്ങൾ എന്നിൽ
ഉരസി രോമഹർഷ൦ തീർത്തു
അരുംകൊതിക്കും പരിമണം
പകർന്നു ഹൃദയരാഗം ഉയർന്നു.
ഒഴുകുന്നു എൻ കൈകളിൽ
നിന്നും ചുടുരക്തം , ആംഗ്യങ്ങൾ
കാട്ടിവിളിച്ചിട്ടു നീയും മുള്ളുകൾ
കുത്തിനിറച്ചെൻ രക്തം നുകരും
ചുണ്ട് ചുവക്കുമ്പോൾ കാണാൻ .
ഒരു സുഖമുണ്ട് പനിനീർപ്പൂവേ
No comments:
Post a Comment