കുപ്പിവളക്കാരി
നിൻ ചുണ്ടിലെ ചിരിയോ
കുപ്പിവളകൾ തൻ ചിരിയോ
എനിക്കിഷ്ടം എന്ന് എന്നോട്
കുണുങ്ങി കിലുങ്ങി ചോദിക്കും
കുപ്പിവളക്കാരി ...പെണ്ണെ
നിന്നോട് ഞാൻ ചൊല്ലാം
കൈപ്പിടിയില് മുറുക്കെ പിടിക്കില്ല
നിൻ കൈകളിൽ പുണരുന്ന
പൊള്ളയാ൦ കുപ്പിവളകൾ
സപ്തവർണ്ണമേകാം സപ്തസ്വരങ്ങൾ ഏകാം
എങ്കിലും സ്നേഹം ഞാൻ കണ്ടില്ല...
പൊള്ളയാണ് പൊട്ടിയാൽ
നിൻറെ രക്തം പൊടിഞ്ഞാൽ
കണങ്കൈ നീറും എൻ സ്നേഹം
നിശ്വാസമായി പകരം ഞാൻ ചുണ്ടിൽ
ചുംബനമേകാം പൊട്ടിച്ചെറിയരുതേ
കുപ്പിവളകൾപോലെ എന്നേ..
കിലുങ്ങി ചിരിക്കുമോ
നീ എൻ കുപ്പിവളക്കാരി.
No comments:
Post a Comment