രണ്ട് മുല്ലമൊട്ടുകൾ
മുറ്റത്തോടിക്കളിച്ചു കാറ്റത്താടുമാ
മുല്ലമൊട്ടുകൾ തൻ കുഞ്ഞുകുലുസിട്ട
വേരുകൾ പറിച്ചെടുത്തു ഇതൾ
പോലെ ആടും വെള്ളപ്പാവാടകൾ
ഞെരുക്കി ഞെരുക്കി വലിച്ചുകീറവേ
നിണമിറ്റു താങ്ങിനായി പിടിച്ചകൊമ്പിൽ
കെട്ടിതൂക്കി ആട്ടിയോ ലോകമേ
ആ മേനിയിൽ തിരയുന്നത്
പൂമ്പൊടിയോ കാപാലികർ
നിറച്ച പാപ രേതസുകളോ
കണ്ണുമൂടിയ നീതിദേവതെ
പൂക്കൾ ഇനി വിടരില്ല
പൂമ്പാറ്റകൾ ഇനി പാറുകയില്ല....
No comments:
Post a Comment