സ്മരണയിൽ ആ സുദിനം
ദിനം തോറും ഓർക്കാറുണ്ട്
പ്രവാസിക്ക് ആ സുദിനം
ഇക്കരെ പറനെത്തുന്ന
ആ മനോഹര സുദിനം
ഈ മരുഭൂവിൻ മൗനത്തിന്
കൂട്ടായി എത്തും മധുര
സ്മരണകൾ പകരും ആ സുദിനം ,
ആ മലനാടിൻ പ്രൗഢികണ്ട്
മഴ കണ്ട് തുടിക്കുന്നു ഹൃദയം
പച്ചനെല്ലിൻ പാടങ്ങൾ
തലോടി തീർക്കുന്ന കുളിർകാറ്റു
തീർക്കുന്നു രോമഹർഷം
പുളകം തീർക്കും പുഴകൾ
തെന്നി പോകും പള്ളിയോടങ്ങൾ
കണ്ട് ആ ഗ്രാമത്തിൽ
വാത്സല്യനിധിയാം അമ്മയെ
കാണും സ്നേഹനിധിയാം
പ്രിയതമയെ കാണും ...പോന്നോമന
തൻ പുഞ്ചിരി കാണും
ഒന്നു സ്വസ്ഥമായി ഉറങ്ങും
നിമിഷം മധുര ഓർമ്മകൾ
പേറിയെത്തും ആ സുദിനം.
No comments:
Post a Comment