മായാരൂപം
മായാരൂപം മനസ്സിൽ പതിഞ്ഞു
മായാരൂപംമിഴികൾ തുറന്നു
കെടാദീപങ്ങൾപോലെനിന്നു
മാസ്‌ക്കുകൾ മുഖത്തുനിന്നും
മാറ്റി കണ്ണാടിയിൽ നോക്കി
ഡ്രസിങ് റൂമിൽ നിന്നു.
മിഴിനീരൊഴുക്കുവാൻ ആ
മുഖത്തു ഇനിയൊരുവഴികളുമില്ല.
അത്രമേൽ മുറിവുകൾ തീർത്ത
ചാലുകളിൽ രക്തക്കട്ടകൾ
അടരാതെ നിറഞ്ഞു .
രക്തക്കട്ടകൾ അടരാതെ നിറഞ്ഞു .
മനസ്സുമരവിപ്പിക്കാതെ
വിയർപ്പുതുള്ളികളും
ഒപ്പിയെടുത്താ ദിവ്യരൂപം
മിഴിദീപങ്ങൾ അണയ്ക്കാതെ
മന്ദസ്മിതയായി പോര്‍ക്കളത്തിൽ
കവചമണിഞ്ഞു വീണ്ടും പറന്നിറങ്ങി.
മഹാമാരിയുമായി യുദ്ധം
തുടർന്നു "2020"മനുഷ്യർക്ക്‌
കാണിച്ചുതന്ന ദൈവങ്ങൾ
No comments:
Post a Comment