പുതുവത്സര ലഹരി
ആഘോഷങ്ങളും ആശംസകളും
നേർന്നു നേരം വൈകി കിടന്നുപോയി
എഴുന്നേറ്റപ്പോൾ വാനിടം വാഴുമാ
സൂര്യനെ പുതുപുലരിയിൽ കാണാതെപോയി.
പുതുവത്സര ലഹരി കാലാകാലം കൂടിപ്പോയി
സപ്തവർണങ്ങൾ നിറച്ച പത്രവാർത്തകൾ നോക്കി
മയക്കുമരുന്നു൦ മദ്യവും ഞരമ്പുകളിൽ ഒപ്പം
കാമഭ്രാന്തുകൾ കൂടുന്ന രാവുകൾ മാത്രമായി.
പൂക്കളെ കാണാതായി കിളിപ്പാട്ടുകൾ കേൾക്കാതായി
വഴികളിൽ വെടിമരുന്നിൻ പുകചുരുളുകളിൽ
പുലർകാല ശലഭങ്ങൾ പിടയുകയായി
സൂര്യനെ പുതുപുലരിയിൽ കാണാതെപോയി
No comments:
Post a Comment