കാതരയാം പൈങ്കിളി
കാറ്റിൽ കൂട്ടം തെറ്റി
കാട്ടിലെ പാലൂറും
കരിമ്പാലയിൽ എത്തി
കാതരയാം പൈങ്കിളി
കരയുന്നെ കേട്ടു ...
കാറ്റുവന്നു തഴുകി പോകവേ
അടർന്ന പൂക്കളിൽ
കണ്ടുനിൻ മിഴിനീർ തുള്ളികൾ
പറക്കാൻ കഴിയാതെ
കാലുകൾ പാലക്കറയിൽ
ഒട്ടിപ്പോയി യക്ഷിപ്പാല
നിൻ ചോരനക്കി തുടങ്ങി
കൂട്ടത്തിൽ ചേക്കേറാൻ കഴിയുമോ
ചിന്താവിഷ്ടയാം കാട്ടുപക്ഷി
വർണ്ണചിറകുകൾ വിടർത്തി
ശക്തിയിൽ വീശി കാറ്റിൽ ആ ചില്ല
അടരവെ പക്ഷി വീണ്ടും പറന്നുപൊങ്ങി
No comments:
Post a Comment